ILIANTUM vulgo ILANTZ

ILIANTUM, vulgo ILANTZ

opp. in Rhaetia in foedere sup. s. Cano, habitatum a Grisonibus. Sub quo Glenner fluv. ex valle Lugnitia descendens, ab hoc Rheni fonte a dextris suscipitur. Hîc colloquium de Religione celebratum est. A. C. 1526. praesentibus omnium trium foederum Ecclesiastis. Occasio fuit calumnia Vicarii Curiensis, quâ ipse Ioh. Dorffinanni Pastoris S. Martini in urbe Curia, reliquorumque in tribus Foederibus Euangelii Minstrorum doctrinam impetere non fuit veritus. Interfuit inter alios colloquio Sebastianus Hofmeisterus S. T. D. et Reformator Eccl. Scaphusianae. Vide Leonh. Meyerum de Ref. huius Eccl.